ළය පැලී 

ඔහු මැරී සිටිතැන 

විලක් විය ...

"ලේ " නොවේ 

ප්‍රේමය !

සඳ ගඟ

                               සඳ දියවෙලා  
                               ගඟ දිය දිගේ 
                               එයි ගල ගලා 
                               සීතයි තමා 
                               සඳ දිය ගලා 
                               පිහිනමු සඳේ 
                               උඩු ගං බලා 

පොසිටිව් " මුවා "

මුළා වූ ඒ මුවා 

කීවා 

මිරිඟුවත් මට ඇති කියා 

නෙතටවත් සැපයක් පානා 

නොමැති කල දිය බිඳක් 

පවස නිවනා

උඹලා 

ප්‍රස්ථා පිරුළු හදාපල්ලා ...

විපාකය !

මම 

නිදා සිට 

මැක්කන් සමග අවදිව 

විභාගය? ... ඔව් 

බල්ලට ගිය! 

---~කුජීත කවිය~---

මොනරු පසුපස 

බුම්මගෙන , රොබ්බගෙන 

හැත්තෑ හතක් බඳු 

දෙකෙන් බෙදූ 

හති වැටුණු 

මුහුණු 

සිනහව මැරුණු !!!

බල තුලනය ..

වේල්ලක් බැඳ ඇත
හරස් කර
ප්‍රේමයේ ජල කඳ
අනෝරා වැස්සට
උමතු වී ඇති තැන
දරන්නට බැරි  වග 
කැඩෙන්නට ළඟ බව 

රකින්නට මම
එකම එක වානක්
විවර කල වග
මෙයින් දන්වන ! 

ඉතින් අවසර
ගලන්නට
ප්‍රේමයේ වැඩි දිය !!!

තාත්තාගේ ඔවදන !

දුවේ දැන් ඇති කඳුළු 
සැලුවා
වැළඳගෙන නුඹගේ පියා
පතිකුලය අඬගසනවා දැන්
නැකත් කාලය එළඹිලා ..
.

තාත්තාගේ ඇසින් කඳුලක් පනින්නට වෙර දරනවා
රත්තරන් දූ නික්මයනතුරු
කඳුළු සිරකර තබනවා 

නංගියා මල්ලියා අර අඬනවා අම්මට ලංවෙලා
එපා මගේ දූ යලි හැරෙන්නට
සුබ නැකත ඇත එළඹිලා

දෙගුරු සෙවනේ ගෙවුණු කාලය
දුවේ දැන් අවසන් වෙලා ..